ლიეტუვის პარლამენტის საგარეო ურთიერთობათა კომიტეტის თავმჯდომარე, ჟიგიმანტას პავილიონისი აშშ-ის სახელმწიფო მდივანს, ენტონი ბლინკენს მიმართავს, ყურადღება გაამახვილოს საქართველოს ხელისუფლების აგრესიულ, ავტოკრატიულ ტონსა და შესაძლო ქმედებებზე ნიკა მელიას მიმართ.
საქართველოში 3-დღიანი ვიზიტის, ოპოზიციასა და ხელისუფლების წარმომადგენლებთან შეხვედრების შემდეგ ჟიგიმანტას პავილიონისმა ტვიტერზე დაწერა:
"ქართული ოცნების გარდა, ყველა პოლიტიკურმა პარტიამ საჯაროდ გამოხატა დიალოგის მზაობა. ბატონო ბლინკენ, დემოკრატიული ქვეყნების ტრანსატლანტიკური ოჯახი უნდა კონცენტრირდეს ოპოზიციის ლიდერის, ნიკა მელიას მიმართ აგრესიულ, ავტოკრატიულ ტონსა და შესაძლო ქმედებებზე".
All political parties (except Georgian Dream) today publically pledged their sincere commitment 2peaceful dialogue. Transatlantic community of democracies @SecBlinken should focus on aggresive, autocratic tone & possible actions against leader of Georgian opposition @NikaMelia5 pic.twitter.com/KGrud1aRzE
3-დღიანი ვიზიტის განმავლობაში პავილიონისმა არაერთხელ თქვა, რომ არსებული კრიზისის განსამუხტად აუცილებელია დიალოგი. მისი თქმით, უნდა შეწყდეს რეპრესიები, პოლიტიკური დევნა, სასამართლოში მიმდინარე საქმეები პოლიტიკური ლიდერების მიმართ, იმისთვის, რომ საქართველო დასავლური ოჯახის - ევროკავშირის და ნატოს წევრი გახდეს. პავილიონისისვე განცხადებით, ეს აუცილებელია საქართველოს გადარჩენისთვის.
დახურვა